#البيوت_أسرار 🤐 ٣
لحظة ما توصل لمرحلة الإحساس بالظلم أو بإنك الضحية لازم تاخد بالك وتحاذر جدا من علاقاتك ومن الأشخاص اللى بتفضفض معاهم لإنك فى اللحظة دى فى أضعف حلقة وأضعف سر 🤐 من #أسرار_البيوت اللحظة اللى أبواب بيتكم مفتوحة على مصراعيها لشياطين 😈 الجن 🧞‍♂️ والإنس وفى التوقيت ⏱ ده بالذات — إنت 👨🏻 أى كلمة طبطبة ومعاهم شوية محن هيبقوا خطر عليك —وإنتى 👩 أى كلمة تطييب خاطر بشوية نحنحة هيبقوا خطر عليكى ، وغالبا رايحين من غير ما ناخد بالنا لإحتمال من دول -ربنا يستر- :
الأول : إنك حاسس نفسك برنس 🤴 مش غاوى ظلم وتضحية ولا فرهده وكمان الطرف التانى ميستاهلش أصلا ولا هيقدر تضحياتك -خصوصا لو مفيش أولاد- أهرب بسرعة من سكات مهما كانت الخساير . 💥
-بصراحة ريحتنا من الوش ، إنت أو إنتى مش بتاع مسئولية بقى ومواجهة ، أحسن-
الثانى : إنك تفضل مستحمل عشان سبب معلن وظاهرى زى الولاد أو عشان أعيش وسبب غير معلن هو إنك غاوى دور الضحية ومن جواك بتجمع فى أكبر عدد من غلطات نصك التانى عشان تكبر فكرة التضحية جواك أو عشان الحساب قرب أو عشان تبرر لنفسك واللى حواليك قد ايه انت مثالى ومستحمل .
-كويس جدا إستمر لحد أول جلسة صلح يمكن ييجى منكم ونلم الدور-
الثالث : إنك تيجى سكة وتبقى صيدة أو فريسة سهله لشوية المحن أو النحنحة اللى اتكلمنا عنهم فوق 👆🏽 وهنا يحصل المحظور اللى أخرته هيتكشف هيتكشف مهما عملت نفسك إور أو عملتى نفسك إورة ، وتلاقى نفسك رجلك بتتسحب لوحدها فى طريق علاقات متعددة إنت نفسك عارف نهايته مهما غميت عينك👁 كفانا الله وإياكم السوء .
-محروق الفيس على تويتر على الواتس آب والكل كليلة ، ولا ننسى إن جل فهمنا للفيس قبل ٢٠١١ إنه موقع للشقط 🤵‍♀️ –
الرابع : وهو إنك نتيجة إحساسك بالظلم -طبعا اللى انت معيش نفسك فيه- تعلن الحرب وتستعين بكل الحلفاء من الأهل والأصدقاء كى تكسب المعركة ، ودى الحالة الأكثر شيوعا عندنا فى مجتمعنا الريفى عن المدن وهى فتح الباب أمام تدخل الأهل وهو باب 🚪 لا يغلق إلا بالمحكمة أو الطلاق .
-بصراحة جبته أو جبتيه لنفسك ، قابل بقى-
#للحديث_بقية
تحياتى ،حفظ الله أسركم