#البيوت_أسرار_٦
هل تعلم إن فى حالة طلاق كل دقيقتين فى مصر ؟ 😳
طب إيه أكتر سبب فى الخلافات الزوجية ؟ 🤔
وإيه أكتر سبب للطلاق ؟ 🤔
وإيه أحسن حاجة يوفرها 🎁 الزوج لزوجته عشان تستقر علاقتهم ؟ 🤔
الحقيقة إن كل دى أشكال وصيغ مختلفة مباشرة أو غير مباشرة لسؤال ⁉️ واحد ☝🏼….. ما هو السبيل لإستقرار الحياة الزوجية 👩‍❤️‍👨 ؟؟؟
السؤال ⁉️ ده أنا إتسألته كتير جدا من أصدقاء وأقارب وبالفعل هو سؤال إستوقفنى ⛔️ كتير وبدأت أدور 🔍 على إجاباته مش بس من خلال عملى 👨‍⚖️ ولكن كمان من خلال تجارب خاصة كزوج 👨 وتجارب إجتماعية للمحيطين بيا وكمان بحكم إنى بطبيعتى غاوى التعرف على العادات والتقاليد المختلفة بحسب كل بيئة .
وبالفعل إجابة السؤال ⁉️ ده إختلفت من مكان لمكان ومن مستوى ثقافى وإجتماعى لآخر ومن بلد لبلد لكن الغريب إن كل الإجابات اللى وجدتها خرجت كلها من رحم واحد ☝🏼 وهو -الآمان- .
————————-—الآمان————————————
أيوه -الآمان- هو عامود الخيمة ⛺️ لبيت الزوجية إن قام قامت الزوجية وإن مال مالت .
بمعنى إن أفضل وأغلى حاجة ممكن الزوج يقدمها 🎁 لزوجته هى إحساس -الآمان- وهو ترمومتر 🤒 كل حاجة تانية ممكن يقدمهالها -حب ❤️، إحترام ، ود ، ثقة ، تفاهم- لإن قدر أى حاجة من دول بيتحدد بمستوى 🌡 -الآمان- اللى بتحسه الزوجة 👩 من زوجها 👨 وتجاهه 🔁 .
وبمعنى أوضح إن الزوج لما يوصل زوجته لإحساس الآمان مش هيحتاج يبذل معاها مجهود 💪🏽 عشان يوصلها باقى الأحاسيس كلها من حب ❤️ واحترام وثقة ….إلخ ، فى حين إن الزوج اللى مش موفر إحساس الآمان ده هتفضل زوجته حاسة بحاجة نقصاها مهما قدملها حتى لو مولعلها صوابعه العشرة شمع 🕯 زى ما بيقولوا .
لإن بدون آمان هيفضل فيه مشكلة تواصل بينهم .
وأعتقد كمان إن الآمان هو المعنى الصحيح لقوله تعالى -لِّتَسْكُنُوٓاْ إِلَيْهَا- وهو المختصر المفيد ل -إن أحبها أكرمها وإن لم يحبها لم يهينها-.
وده طبعا يفسرلنا جزء كبير من تساؤل مهم ليه حالات الطلاق كترت جدا وبقت أكتر فى حديثى الزواج 👰🏻‍♀️ لحد ما وصلت لحالة طلاق كل دقيقتين فى مصر .
المشكلة الأكبر من وجهة نظرى 👓 إن الآمان ده عامل زى الزجاج لو إنكسر 😡 مش بيتصلح تانى وحتى لو إتصلح فبيفضل مشروخ .
وختاما : إن أردت عائشة فكن محمدا .
صلوا على من إحتمت زوجته فى ظهره خوفا من أبيها .
#حفظ_الله_أسركم