#الولاية_التعليمية
بمناسبة قرب بدء التقديم للأطفال فى المدارس مرحلة التعليم الأساسى وما قبلها كمان ال -kg- .
وكمان التحويل للصغار من مدرسة لمدرسة من سحب بقى وتقديم وخلافه.
كل ده بالنسبة للأم اللى مش معاها حكم بضم حضانة الصغار مش هتقدر تعمله ولما تروح مدرسة ابنها عشان تعمل أى إجراء من اللى ذكرناهم شرط يكون صادر ليها حكم بضم الحضانة أو أمر بنقل الولاية التعليمية على الصغار ليها .
ودى حاجة سهلة قوى بتصدر من رئيس محكمة الأسرة اللى هى تابعة ليها بإسم #أمر_على_عريضة عبارة عن طلب ومعاه قسيمة الزواج والطلاق إن كان وقيد ميلاد الصغير وما يفيد وجود خلافات بين الأم والأب لو مش مطلقة وبيصدر الأمر فى نفس اليوم أو تانى يوم بالكتير .
#الولاية_التعليمية_حق_الحاضنة_بقوة_القانون
وده معناه إن اللى صادر ليها حكم بضم الحضانة خلاص كده هى اللى تملك الولاية التعليمية بنص قانون الطفل ومش محتاجة لأمر على عريضة ولا قرار بمنحها الولاية التعليمية على الصغير .